2015 جىلعى 27 ناۋرىز, استانا قالاسى
ۇلتتىق مادەني يگiلiك وبەكتiلەرiنiڭ مەملەكەتتiك تiزiلiمiن جۇرگiزۋ قاعيدالارىن بەكiتۋ تۋرالى
«مادەنيەت تۋرالى» 2006 جىلعى 15 جەلتوقسانداعى قازاقستان رەسپۋبليكاسى زاڭىنىڭ 7-بابىنىڭ 21-1) تارماقشاسىنا سايكەس بۇيىرامىن:
1. قوسا بەرىلىپ وتىرعان ۇلتتىق مادەني يگiلiك وبەكتiلەرiنiڭ مەملەكەتتiك تiزiلiمiن جۇرگiزۋ قاعيدالارى بەكىتىلسىن.
2. قازاقستان رەسپۋبليكاسى مادەنيەت جانە سپورت مينيسترلىگىنىڭ مادەنيەت جانە ونەر ىستەرى دەپارتامەنتى زاڭنامادا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىقتىڭ مەملەكەتتىك تىركەلۋىنەن كەيىن ون كۇنتىزبەلىك كۇننىڭ ىشىندە مەرزىمدى باسپا باسىلىمىندا جانە «ادىلەت» قۇقىقتىق-اقپاراتتىق جۇيەسىندە رەسمي جاريالانۋعا جولدانۋىن;
3) وسى بۇيرىق رەسمي جاريالانعاننان كەيىن قازاقستان رەسپۋبليكاسى مادەنيەت جانە سپورت مينيسترلىگىنىڭ ينتەرنەت-رەسۋرسىندا ورنالاسۋىن;
4) وسى تارماقتا كوزدەلگەن ءىس-شارالاردىڭ ورىندالۋى تۋرالى مالىمەتتەردى وسى ءىس-شارالار ورىندالعاننان كەيىن ون جۇمىس كۇنى ىشىندە قازاقستان رەسپۋبليكاسى مادەنيەت جانە سپورت مينيسترلىگىنىڭ زاڭ قىزمەتى دەپارتامەنتىنە ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى مادەنيەت جانە سپورت ۆيتسە-ءمينيسترى ع.ا. احمەدياروۆقا جۇكتەلسىن.
4. وسى بۇيرىق ونىڭ العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر ا. مۇحامەدي ۇلى.
قازاقستان رەسپۋبليكاسى مادەنيەت جانە سپورت ءمينيسترىنىڭ 2015 جىلعى 27 ناۋرىزداعى № 112 بۇيرىعىمەن بەكىتىلگەن
ۇلتتىق مادەني يگىلىك وبەكتىلەرىنىڭ مەملەكەتتىك ءتىزىلىمىن جۇرگىزۋ قاعيدالارى
1. جالپى قاعيدالار
1. وسى ۇلتتىق مادەني يگىلىك وبەكتىلەرىنىڭ مەملەكەتتىك ءتىزىلىمىن جۇرگىزۋ قاعيدالارى (بۇدان ءارى – قاعيدالار) ۇلتتىق مادەني يگىلىك وبەكتىلەرىنىڭ مەملەكەتتىك ءتىزىلىمىن (بۇدان ءارى – مەملەكەتتىك ءتىزىلىم) جۇرگىزۋ ءتارتىبىن انىقتايدى.
2. مەملەكەتتىك ءتىزىلىم ۇلتتىق مادەني يگىلىك وبەكتىلەرى (بۇدان ءارى – ۇميو) ساقتاۋ جانە ولارعا ەرەكشە رەجيمىن بەرۋ ماقساتىندا جۇرگىزىلەدى.
3. مەملەكەتتىك تىزىلىمگە ەلدىڭ تاريحى مەن مادەنيەتى ءۇشىن ايرىقشا ماڭىزدى ۇميو جايلى مالىمەتتەر ەنگىزىلەدى.
2. مەملەكەتتىك ءتىزىلىمدى جۇرگىزۋ ءتارتىبى مەن شارتتارى
4. مەملەكەتتىك ءتىزىلىمدى مەملەكەتتىك جانە ورىس تىلدەرىندە, قاعاز جانە ەلەكتروندى نۇسقادا, وسى قاعيدالاردىڭ قوسىمشاسىنا سايكەس نىسان بويىنشا مادەنيەت سالاسىنداعى ۋاكىلەتتى ورگان (بۇدان ءارى – ۋاكىلەتتى ورگان) جۇرگىزەدى.
5. مەملەكەتتىك تىزىلىمگە مالىمەتتەر مىناداي نەگىزدە ەنگىزىلەدى:
1) وبلىستىڭ, رەسپۋبليكالىق ماڭىزى بار قالانىڭ مەن استانانىڭ جەرگىلىكتى اتقارۋشى ورگاندارىنىڭ (بۇدان ءارى – جاو) ۇميو تۋرالى مالىمەتتەرى كورسەتىلگەن حاتتارى;
2) جەكە تۇلعانىڭ ۇميو تۋرالى مالىمەتتەرى كورسەتىلگەن قولداۋ حاتتارى;
3) زاڭدى تۇلعانىڭ ۇميو تۋرالى مالىمەتتەرى كورسەتىلگەن قولداۋ حاتتارى.
6. وسى قاعيدالاردىڭ 5-تارماعىندا كورسەتىلگەن حاتتا جانە قولداۋ حاتتا كەلەسى مالىمەتتەر كورسەتىلەدى:
1) ۇميو تولىق اتاۋى;
2) ۇميو سيپاتتاماسى;
3) ۇميو جاسالعان كۇنى;
4) ۇميو مالىمەتتەرى;
5) ۇميو شىعۋ تەگى;
6) ۇميو ورنالاسقان جەرى;
7) ۇميو فوتوسۋرەتى.
7. ەگەر وسى قاعيدالاردىڭ 5-تارماعىندا كورسەتىلگەن قۇجاتتار وسى قاعيدالاردىڭ 6-تارماعىندا كورسەتىلگەن مالىمەتتەرگە سايكەس كەلمەسە نەمەسە ۇميو ەرەكشە ماڭىزدىلىعىن انىقتاۋعا ونىڭ سيپاتتاماسى جەتكىلىكسىز بولعان جاعدايدا, ۋاكىلەتتى ورگان جاو, جەكە جانە زاڭدى تۇلعالارعا ۇميو تۋرالى جەتكىلىكسىز مالىمەتتەردى بەرۋ قاجەتتىلىگى جايلى سۇراۋ جىبەرەدى.
8. ۋاكىلەتتى ورگان وسى قاعيدالاردىڭ 5-تارماعىندا كورسەتىلگەن قۇجاتتاردى وتىز جۇمىس كۇنى ىشىندە قاراستىرادى.
9. وسى قاعيدالاردىڭ 5-تارماعىندا كورسەتىلگەن قۇجاتتاردى قاراستىرۋ ءۇشىن ۋاكىلەتتى ورگان تۇراقتى جۇمىس جۇرگىزەتىن ساراپتامالىق كوميسسيا قۇرادى.
ساراپتامالىق كوميسسيا قۇرامىنا ۋاكىلەتتى ورگاننىڭ ءتيىستى بولىمدەرىنىڭ قىزمەتكەرلەرى, عالىمدار جانە تاريح, مادەنيەت, ارحەولوگيا, پالەونتولوگيا, ەتنوگرافيا, بەينەلەۋ جانە حالىقتىق قولدانبالى ونەر سالالارىنىڭ بىلىكتى ماماندارى ەنەدى. ساراپتامالىق كوميسسيانىڭ توراعاسى بولىپ ۋاكىلەتتى ورگاننىڭ وكىلى سانالادى.
ساراپتامالىق كوميسسيانىڭ شەشىمدەرى ونىڭ وتىرىسىنا قاتىسقان ساراپتامالىق كوميسسيا مۇشەلەرىنىڭ جالپى سانىنىڭ كوپشىلىك داۋىسىمەن اشىق داۋىس بەرۋ ارقىلى قابىلدانادى. داۋىستار تەڭ بولعان جاعدايدا ساراپتامالىق كوميسسيا توراعاسىنىڭ داۋىسى شەشۋشى بولىپ تابىلادى.
ساراپتامالىق كوميسسيا ۇميو-نىڭ ەل تاريحى جانە مادەنيەتى ءۇشىن ايرىقشا ماڭىزدىلىعى, نە ماڭىزىنىڭ جوقتىعى جايلى شەشىم قابىلدايدى, ونى حاتتامامەن راسىمدەيدى.
10. ساراپتامالىق كوميسسيانىڭ حاتتاماسىنىڭ نەگىزىندە ۋاكىلەتتى ورگان وسى قاعيدالاردىڭ 8-تارماعىندا كورسەتىلگەن مەرزىم iشiندە كەلەسى شەشىمدەردىڭ ءبىرىن قابىلدايدى:
1) مەملەكەتتىك تىزىلىمگە ۇميو جايلى مالىمەتتەردى ەنگىزۋ;
2) ۇميو ەل تاريحى جانە مادەنيەتى ءۇشىن ەرەكشە ماڭىزدى بولماعاندىقتان, مەملەكەتتىك تىزىلىمگە ەنگىزىلمەيدى.
11. ۇميو مەملەكەتتىك تىزىلىمنەن شىعارۋ ۇميو-نىڭ تولىق تۇگەل جويىلعاندىعى تۋرالى نەمەسە ونىڭ ەل تاريحى جانە مادەنيەتى ءۇشىن ەرەكشە ماڭىزى بولماي قالعاندىعى جايلى جاو-نىڭ حاتى نەمەسە جەكە جانە زاڭدى تۇلعالاردىڭ قولداۋ حاتتارى نەگىزىندە ىسكە اسىرىلادى.
12. قازاقستان رەسپۋبليكاسىنىڭ مەملەكەتتىك ورگاندارىنىڭ سۇراۋى, جەكە جانە زاڭدى تۇلعالاردىڭ وتىنىشتەرى بويىنشا ۋاكىلەتتى ورگان مەملەكەتتىك تىزىلىمگە ەنگەن نەمەسە شىعارىلعان ۇميو تۋرالى مالىمەتتەردى بەرەدى.
ۇلتتىق مادەني يگىلىك وبەكتىلەرىنىڭ مەملەكەتتىك ءتىزىلىمىن جۇرگىزۋ قاعيدالارىنا قوسىمشا
نىسان
ۇلتتىق مادەني يگىلىك وبەكتىلەرىنىڭ مەملەكەتتiك ءتiزiلىمى
رس № ۇميو اتاۋى ۇميو سيپاتتاماسى
(قىسقا سيپاتتاماسى, شىعۋ تەگى) ۇميو جاسالعان
كۇنى
ۇميو مالىمەتتەرى
(ماتەريالدىڭ اتاۋى, قولەمى, سالماعى, سانى) ۇميو ورنالاسقان جەرi ۇميو فوتوسۋرەتى تiزiلiم
ءنومىرى باسقا مالiمەتتەر
1 2 3 4 5 6 7 8 9
ەسكەرتپە: ۇميو - ۇلتتىق مادەني يگىلىك وبەكتىلەرى
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 6 مامىردا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10967 بولىپ ەنگىزىلدى.